Mwisae Leo na Kilimo Tz: Polisi Dar Wakana Kumshikilia Nay wa Mitego

Monday 27 March 2017

Polisi Dar Wakana Kumshikilia Nay wa Mitego

Jeshi la polisi kupitia kitengo chake cha habari na mawasiliano cha kituo cha kati (central) kimepinga kumshikilia Nay wa Mitego kwa sasa.

Kutokana na taarifa iliyopatiwa Bongo5 kutoka kwenye kitengo hicho zimesema kuwa rapper huyo kwa sasa bado anaendelea kushikiliwa na RPC wa mkoani Morogoro lakini leo au muda wowote anaweza kufikishwa Dar es Salaam kwa ajili ya kujibu mashtaka yake anayotuhumiwa nayo.

Wameongeza kuwa taarifa rasmi itatolewa pindi atakapofikishwa kituoni hapo.

Hata hivyo jana mwanasheria maaarufu nchini, Peter Kibatala alitoa taarifa kupitia mtandao wa Instagram kuwa Nay tayari amefikishwa katika kituo hicho cha kati.

Nay wa Mitego alikamatwa usiku wa kuamkia Jumapili hii mkoani Morogoro baada ya kuachia wimbo mpya uitwao Wapo unaikosoa vikali serikali ya Rais Dkt John Magufuli.

TAZAMA HARMORAPA ALIVYO TIMUA MBIO BAADA YA KUIONA BASTOLA